अमेरिकन साम्राज्यवादी ज्या प्रदेशाला “इंडो-पॅसिफिक” म्हणतात, तिथे ते इतर देशांसोबत अभूतपूर्व संख्येने संयुक्त लष्करी कवायती करत आहेत. ह्या लष्करी कवायती अमेरिकन साम्राज्यवादाच्या चीनबद्दलच्या वाढत्या आक्रमक भूमिकेमुळे केले जात आहेत. विशेषत: पूर्व आणि दक्षिण चीन समुद्रांत चीन आणि या प्रदेशातील इतर काही देशांमध्ये विविध न सुटलेले विवाद आहेत. त्या देशांना चीनविरुद्ध आघाडीत जोडण्याच्या उद्देशाने अमेरिका या संकटग्रस्त पाण्यात ढवळाढवळ करत आहे.
या वर्षी मार्चमध्ये अमेरिकेने हिंदुस्थान, थायलंड, दक्षिण कोरिया आणि जपानसह तब्बल चार प्रमुख लष्करी कवायती केल्या.
18 ते 31 मार्च दरम्यान, अमेरिका आणि हिंदुस्थानाने हिंदुस्थानाच्या पूर्व किनारपट्टीवर टायगर-ट्रायम्फ-24 नावाचा कवायत केली. या सरावात लष्कर, नौदल आणि हवाई दल या तिन्ही सेवांचा समावेश होता. अमेरिका आणि हिंदुस्थान यांच्यातील हा सर्वात मोठा असा द्विपक्षीय कवायत असल्याचे सांगण्यात येते.
27 फेब्रुवारी ते 8 मार्च या कालावधीत, US आणि थायलंडने कोब्रा गोल्ड 2024 नावाची आणखी एक लष्करी कवायत केली, जी आशियातील भूभागातील अशा प्रकारचा सर्वात मोठी कवायत असल्याचे म्हटले जाते.
17 मार्च रोजी, अमेरिका आणि जपानने आयर्न फिस्ट 24 नावाची त्यांची द्विपक्षीय लष्करी कवायत संपवली. ही वार्षिक कवायत पूर्वी अमेरिकेतील कॅलिफोर्नियामध्ये आयोजित केला जात असे, परंतु या वर्षी प्रथमच ती जपानमध्ये, ओकिनोएराबू आणि ओकिनावा या बेटांजवळ हलविण्यात आली. ही बेटे, सेन्काकू (चीनी नाव: डियाओयू) बेटांजवळ आहेत ज्यावर चीन आणि जपान दोन्ही दावा करतात.
फेब्रुवारीमध्ये, अमेरिकेच्या नौदलाने जपानी आणि ऑस्ट्रेलियाच्या नौदल सैन्यांसह दक्षिण चीन समुद्रात त्रिपक्षीय कवायत केली.
18 ते 27 फेब्रुवारी दरम्यान, अमेरिकन युद्धनौकांनी देखील बंगालच्या उपसागरात भारतीय नौदलाच्या मिलान नावाच्या बहुपक्षीय लष्करी सरावात भाग घेतला.
एप्रिलच्या तिसऱ्या आठवड्यापासून ते मे महिन्याच्या पहिल्या आठवड्यापर्यंत, अमेरिका फिलीपिन्ससोबत बालिकाटन (म्हणजे “खांद्याला खांदा”) नावाची लष्करी कवायत करणार आहे. अलीकडच्या काही आठवड्यांत फिलिपिन्स चीनसोबत सागरी शत्रुत्व वाढवण्यात गुंतले आहे. दक्षिण चीन समुद्रातील कवायतीत, फिलिपिन्सच्या पलावन प्रांतातील क्षेत्रांचा समावेश केला जाईल, ज्यात गेल्या वर्षभरात फिलीपिन्स आणि चिनी सैन्यांमध्ये अनेक चकमकी झाल्या आहेत. हे तैवानच्या समोर असलेल्या बेटांवर देखील होईल, जिथे अमेरिका-चीन वाद वाढत आहेत. वृत्तांनुसार, या कवायतीत जहाज बुडवण्याचा समावेश असेल. प्रथमच फ्रान्सप्रमाणे ऑस्ट्रेलियाही या सरावात सहभागी होणार आहे. फर्डिनांड मार्कोस ज्युनियरच्या सध्याच्या सरकारच्या अंतर्गत, फिलीपिन्सने पुनरुज्जीवित संरक्षण करारांतर्गत, अमेरिकन सैन्याला प्रवेश मिळू शकणाऱ्या तळांची संख्या दुप्पट केली आहे.
या लष्करी कवयातींव्यतिरिक्त, फिलिपिन्सचे अध्यक्ष मार्कोस, अमेरिकेचे अध्यक्ष बाईडेन आणि जपानचे पंतप्रधान किशिदा 11 एप्रिल रोजी त्यांची पहिली त्रिपक्षीय शिखर परिषद घेत आहेत.
या सर्व कारवायांवरून स्पष्ट होते की अमेरिका पूर्व आणि दक्षिण चीन समुद्रात तणाव वाढवत आहे आणि हिंदुस्थानाला आपल्या मोहिमेत ओढत आहे. या प्रदेशातील आत्तापर्यंत न सोडवलेल्या जमिनी आणि सागरी सीमा विवादांचा वापर करून चीनच्या विरोधात आपल्या नेतृत्वाखाली आपल्या जवळच्या मित्र राष्ट्रांसोबत युती करणे हे अमेरिकेचे उद्दिष्ट आहे. या प्रदेशात वाढलेल्या लष्करी कारवायांचा परिणाम म्हणून सामील असलेल्या सैन्यांमधील कोणत्याही नियोजित किंवा अनियोजित शत्रुत्वाच्या घटना जर भडकल्या, तर या प्रदेशातील लोकांना मोठी किंमत मोजावी लागेल.
हिंदुस्थान सरकारही या संकटग्रस्त परिस्थितींमध्ये पूर्णपणे सामील होत आहे. चीन आणि फिलीपिन्स यांच्यातील राजनैतिक आणि लष्करी तणाव शिगेला पोहोचला असताना परराष्ट्र मंत्री जयशंकर यांनी 26 मार्च रोजी फिलीपिन्सला भेट दिली आणि ते म्हणाले की, “मी या प्रसंगी फिलीपिन्सचे राष्ट्रीय सार्वभौमत्व राखण्यासाठी हिंदुस्थानाच्या समर्थनाचा दृढतेने पुनरुच्चार करतो.” चीनशी स्वतःच्या भांडणाचा भाग म्हणून हिंदुस्थान सरकार अमेरिकन साम्राज्यवादाच्या धोकादायक खेळात सहभागी होत आहे.
अमेरिकेला आपल्या युद्धनौका, विमाने आणि सैन्य जगाच्या या भागात आणण्यात कोणतेही औचित्य नाही. अमेरिकेचा दावा आहे की तिला “खुला आणि मुक्त इंडो-पॅसिफिक” पाहिजे आहे, परंतु ती इंडो-पॅसिफिकवर वर्चस्व गाजवण्याच्या स्वतःच्या साम्राज्यवादी हितासाठी या प्रदेशात तणाव निर्माण करण्यासाठी जमेल ते सर्व प्रयत्न करत आहे.